Senti la poesia detta dall'Autore 

 

Rimembransi    

(Primo premio assoluto Concorso Letterario Loazzolo)

Ma ti…ti t’igh sè stai pena ’mà ti.
Óh…il gh’ho ’vǜ di altri doni, ant i gèrbis ad la vita
ch’i s’incùntran par i strai dla giuventǜ,
ma ti…ti t’igh sè stai pena ’mà ti.

Na quai vüna m’ha ciamà s’il gh’hevi fam: e mi son mangià;
na quai d’altra m'ha ciamà s’il gh’hevi set:
e mi ’l gh’ho dì ch’i brüsavi, mi ’l gh’ho dì ch’i murevi;
ma ti…ti t’igh sè stai pena ’mà ti.

Parchè ti t’il gh’è i öcc ch’in a-stai i mè öcc,
parchè ti t’il gh’è la buca ch’l’è stai la mè buca,
parchè ’l cald ad la to scossa l’è stai al cald ad la mè scossa.

E déntar da ti mi ’m són pèrs,
déntar da ti mi ’m són a-slenguà,
e ’nt l’amur…int l’amur i suma ’ndai ansì luntan…

che pena ’mà ’n pass püssè d’ad là
e sarìssan mort, tignéndass par man.